Entoni Byorjess XX asrning sara ijodkorlari qatorida e tirof etiladi. Yevropa hamjamiyatida ko'plab keskin bahs-munozaralarga sabab bo'lgan "Murvatli apelsin" romani e'lon qilingach, yozuvchi jahonshumul mashhurlikka erishdi. Asardan ilhomlangan afsonaviy rejissyor Stenli Kubrik mazkur roman asosida film suratga oldi. Shuningdek, Jorj Oruellning "1984" romani Byorjessni munozarali, shu bilan birgalikda yorqin "1985" kitobini yozishga ilhomlantirdi. Asarning birinchi - publitsistik qismida Byorjess Oruellning romanini tahlil qiladi. Bunda muallif tahlilning noan' anaviy usullari - "xayoliy intervyu" va zaharxanda, piching aralash parodiyalardan foydalanadi. 1978-yilda dunyo yuzini ko rgan ikkinchi qismda esa yozuvchi o'zi yaratgan xayoliy yaqin kelajakni o'quvchiga taqdim etadi. U shahar yong'in iskanjasida qolganda o't o'chiruvchilar ish tashlaydigan, ko'chadagi jinoiy to'dalar lotin tilini mukammal biladigan darajada bilimli bo'lganlari holda talonchilik va begunohlarni o'ldirish bilan shug'ullanuvchi, fuqarolari texnologiyalarga qaram, o'z hayotini do'zaxga aylantirgan davlatni tasvirlaydi.