Она тилимиз истиқболи масаласи глобаллашаётган дунёда қадриятларни, ўзликни сақлаш, жаҳон саҳнида миллатимизнинг муносиб ўрин топиши билан чамбарчас боғлиқ муҳим масаладир. Қашқадарёлик таниқли журналист Лола Ўроқованинг ушбу мажмуасида турли йилларда матбуот нашрларида чоп этилган она тилимиз ва у билан боғлиқ муаммолар акс этган мақолалар жамланган. Шунингдек, мажмуадан шевачиликка, жой номлари, адабиёт ва маънавиятга оид мақолалар, маълумотлар ҳам ўрин олганки, бу она тилимиз жонкуярлари учун ғоят қизиқарли бўлишига аминмиз. Китоб жавонингизни безайдиган беназир тўпламдан баҳраманд бўлинг.