Фриц Уильфортнинг ушбу асари ХХ аср бошларидаги Туркистон ўлкаси тарихи, маданияти ва ижтимоий ҳаётини ёритувчи муҳим манбалардан биридир. Муаллиф австриялик ҳарбий асир бўлиб, Туркистонда ўтган кунлари давомида ўз кузатувлари, таассуротлари ва таҳлилларини кундалик шаклида ёзиб борган. Асарда Туркистон халқларининг урф-одатлари, турмуш тарзи, диний эътиқодлари, бозорлари, савдо-сотиқ муносабатлари ҳақидаги маълумотлар муфассал баён этилган. Уильфорт холис кузатувчи сифатида маҳаллий аҳолига нисбатан ҳурмат ва қизиқиш билан ёндашади. Асар тарихчилар, шарқшунослар ва маданиятшунослар учун ажойиб совға бўлади деган умиддамиз.