Xoja Samandar Termiziy o'z davrining yetuk tarixchi va adabiyotshunos olimlaridan bo'lib, xalqimiz milliy ma'naviyatining shakllanishiga munosib hissa qo'shgan buyuk ajdodlarimizdan biri hisoblanadi. Uning qo'lingizda turgan «Hukmdornoma» («Dastur ul-muluk») asari hukmdorlar, davlat amaldorlari, shuningdek, aholining boshqa qatlamlari vakillari uchun mo'ljallangan odob-axloq masalalari bayoniga bag'ishlangan. Samandar Termiziyni boshqa zamondosh tarixnavislardan ajratib turadigan eng muhim jihat, uning Buxoro va Xiva xonligi o'rtasida sodir bo'lgan janglarning aksarida ishtirok etgani hamda o'z ko'zi bilan guvohi bo'lgan hodisalarni bayon etganidir.