Zamonavi Eron adabiyotining tanilgan vakillaridan biri Muhammad Kazim Mazoniy qalamiga mansub “So‘nggi (sh)oh” romanida Muhammad Rizo Pahlaviy hayotining so‘nggi, aytish mumkin bo‘lsa, ayanchli kunlaridan hikoya qilinadi. Adib shoh hayotini butun murakkabligi zavqidan qayg‘usigacha, oqidan qorasi­gacha boricha tasvirlashda tarix haqiqatidan chekinmaydi. Asar ruhiga, mazmun-mundarijasiga mos shakl topadi hamda inson, jamiyat, siyosat, mafkura, davlat, oila, imon, adolat, ezgulik, tenglik, hastalik, o‘lim, taqdir... tuyg‘ulari manzaralarini o‘quvchi ko‘z o‘ngida o‘zgacha mahorat bilan gavdalan­tiradi.