Muhammad Shayboniyxon benazir lashkarboshi, hassos shoir va mutafakkir edi. U bor kuch-quvvatini, quvvai hofizasini, harbiy iste’dodini Amir Temurdan keyin parokanda bo‘lgan davlatni qayta tiklashga sarfladi, ajnabiylarning bosqiniga chek qo‘ydi. Shayboniyxon davrida Movarounnahr iqtisodiy, madaniy jihatdan taraqqiy etdi. Yangi madrasalar, masjidlar, xonaqolar, yo‘llar, ko‘priklar, rabotlar qurildi, ta’lim sohasida islohatlar joriy etildi.