Ey avliyolar, bir kuni Robiya menga hadya yubordi: igna, ip kalava va mum. Zohirda oddiygina bo'lgan bu hadyalarning maʼnosi orqali menga nasihat bermoqchiligini darrov tushundim, biroq maʼnosini tushunmaganim uchun o'zidan so'radim. Menga javoban dedi: “Ey Hasan hazratlari! Ip bilan bir narsalarni bir-biriga bog'lang, igna bilan so'kilgan joyni tiking, yirtilgan joyni yamang, ammo hech narsaga eʼtibor bermang va mum kabi borliqni eritib, atrofingizga nur soching”. Mana shu so'zlardan angladimki, Robiya biz yetmoqchi bo'lgan haqiqatni allaqachon idrok qilibdi.