Мазкур асар инсоннинг ички дунёси, айниқса, болаликда кечган руҳий ва ижтимоий мураккабликларни ўта нозик туйғулар билан очиб беради. Муаллиф қаҳрамонларининг пинҳон изтироблари, ботиний дардларини маҳорат билан тасвирлайди. У уларнинг қалбидаги «қоронғи йўлаклар»га чироқ тутади, ўқувчини ички курашлар ва сукут ортидаги оғриқлар билан юзма-юз қилади. Роман араб жамиятида учрайдиган мураккаб муносабатларни, муқаддас бўлиши керак бўлган оила институтидаги камчиликларни реалистик, ҳаётга яқин ва таъсирли тилда тасвирлайди.