Ehtimol, eng sohir va go‘zal tuyg‘ular, hech yetib bo‘lmas orzular, zalvoriga chidash dushvor haqiqatlar Tik qoyaning ustiga qanday chiqqanini endi o‘zining ham aqli bovar qilmaydigan odam ko‘nglidan kechsa ajab emas. Unga taqdir kulib boqib, eson-omon pastga tushganidayam, yuksakda surgan xayollari o‘sha qoya ustida qoladi. Chin she’rlarning ko‘z ochishi ham shunga mengzaydi. U-da ko‘ngilning tik qoyasiga chiqilgan lahzalardagina ko‘z ochadi. Shoir Vafo Fayzullohning shu nomdagi to‘plamiga keyingi yillarda yozgan eng sara she’rlari, dostoni va rus she’riyatidan qilgan tarjimalari kiritildi.