Rio-de-Janeyro: Keksa bir tarixchi mehmonxona xonasida o‘lik holda topiladi. U qoldirgan tadqiqot orasida hammaning e’tiborini tortgan bir hujjat bor edi. Unda: "Moloc Ninundia Omastoos" deb yozilgan. Lissabon: Amerika Tarix Fondi nomli tashkilot Lissabon Yangi Universiteti tarix fakulteti professori Tomas Noronya bilan bog‘lanadi. Professorning kriptoanaliz va qadimgi tillar bo‘yicha mutaxassisligidan foydalanib, vafot etgan tarixchining tadqiqotini ochib berishini so‘ragan tashkilot buning uchun naqd yarim million dollar to‘lashga tayyor edi. Tarixchi qoldirgan bu sirli yozuvning jumbog‘ini yechishga urinarkan, Tomas Lissabondan Rio-de-Janeyroga, Nyu-Yorkdan Quddusgacha cho‘zilgan safarga chiqadi. U to‘satdan o‘zini Amerika qiť’alarining kashf etilishi bilan bog‘liq hayratlanarli tarixni va bugungacha hech bir tarixchi hal qila olmagan ulkan sirni - Xristofor Kolumbning haqiqiy shaxsini tadqiq etish jarayonida topadi.