Эътиборингизга ҳавола этилаётган китоб қаҳрамонлари - Фахриддин ва Санжарбекларнинг олиб бораётган терговчилик фаолияти давомида ёритилган жиноятлар - қабоҳат гирдоби сизни гоҳ қайғуга солади, гоҳ даҳшатга... Асарда бир жиноий ишни фош этиш жараёнида унга параллел равишда бошқа-бошқа сирлар ҳам очилиб, илдиз отиб бораётган қабиҳликларга болта урилади. Ушбу асарда аждодларимиз томонидан (турли шаклда) қолдирилган бойликларни ноқонуний ўзлаштириб олиш мақсадида яширин равишда қазишма ишларини олиб борган ака-укаларнинг қисмати ёритилган. Китобхон мутолаа давомида атрофда юз бераётган воқеаларга теран фикр, кенг мушоҳада билан назар ташлашни, ҳуқуқий саводхонлик жамият учун қай даражада зарур эканлигини тушуниб боради.