Mirmuhsin (Mirsaidov) - barcha davrlarning yetuk ijodkori. Uning yozganlari zalvorini his qilmoq uchun o'quvchidan mutolaaga alohida tayyorgarlik talab etiladi. Yozuvchining «Onaizor» nomli mazkur hikoyalar to'plamiga biz uning chet el afkor ommasi hayotidan olingan asarlarini ham jamladik. Bu hikoyalar inson zotining turfa fe'li, murakkab xarakteri, ayanchli taqdiridan so'zlaydi. Bu hikoyalar insonning inson ustidan hukmronligi, mustabid tuzum jabrini tortgan jabrdiydalar taqdiridan so'zlaydi. Yashashdan murod ne degan savol qarshisida ular bilan yonma-yon turarkansiz, xuddiki, ularning o'ta chigal, azob-uqubatga to'la hayoti qarshisida o'zingizni gunohkordek his qilasiz. Keling, yaxshisi kitobni mutolaa qiling, undan so'ng suhbatimizni davom ettiramiz.