She'r - insoniy tuyg'ularning zaboni, izhori bo'lsa-da, tuyg'ularni so'zga to'la-to'kis ko'chirish ushalmaydigan orzudir. Shoir esa bunga ko'nmaydi, u shu orzu shamiga o'zini parvonadek uraveradi, uraveradi, kuyaveradi... Nodira Afoqovaning mazkur kitobi "yolg'izning Yori" deb nomlandi. "Yolg'izning yori Xudo" deganlaridek, shoir o'z hayol dunyosida hamisha yolg'iz, ammo yaratgan ila birgadir. To'plamdagi she'rlar mana shunday tasavvur beradi.