Suhrob Ziyo she'rlarida yoniq oshiqona ko'ngil, jo'shqin tuyg'u, rangin tafakkur, moviy - samoviy hayol bor. Hazrat Alisher Navoiy " Asru keng sahro durur dashti xayol" deganlar. Xayol dashti juda keng bir sahrodir. Samo sahrosida - quyosh, oy va yulduzlar bo'lsa, yer sahrosida kurashchan hayot mavjud. XAyol sahrosi hammasini sig'diradi. " Ko'ngil yelkani" kitobi orqali she'riyat muhiblari o'zini va o'z qalbini izalyotgan dardkash bir shoirning bitiklari bilan tanishadilar.