Mashxur yozuvchi Agata Kristining kitoblari butun dunyoda sevib o‘qiladi. U asosan detektiv janrdagi asarlari bilan mutolaa ixlosmandlari ko‘nglini zabt etgan, desak xato qilmaymiz. Adibaning qo‘lingizdagi «Ajal bilan to‘qnashuv» nomli ushbu asarida o‘zgalar, aniqrog‘i, yaqinlari ustidan hukm yurgizib, boshqalarni azoblab, shundan rohat tuyadigan shafqatsiz ayol o‘gay onaning manfur qiyofasi, bir zamonlar qamoqxona nazoratchisi bo‘lgan bu qari kampirning chohday qop-qorong‘i ichki olami hamda shubhali o‘limi, ustalik bilan bekingan qotil va qotilni undan-da ustalik bilan fosh qilgan izquvar mahorati haqida hikoya qilinadi.