Туркий халқлар шеърияти улкан дарёсининг бир ирмоғи бўлган татар назми ўзига хослиги, жоъзибаси билан шеърият ихлосмандларини мафтун этиб келади. Халқ ижодидан баҳраманд бўлган, равон ва ўйноқи оҳанглар, гоҳ Идел мавжларидек солланадиган турфа туйғулар, парвоз истаётган озод руҳ ифодаси татар шеъриятига ажиб оҳор ва залвор бахш этади. Абдулла Қодирий, Абдулла Авлоний, Миртемирдек улуғларимиз буюк татар шоири Абдулла Тўқай шеърларини ўтган аср бошларидаёқ ўзбек тилига таржима қилганлар. Узтоз адиблар анъаналарни давом эттириб амалга оширилган қўлингиздаги ушбу мўъжаз тўпламда аввалги айрим таржималар билан бирга ҳозир яшаб ижод қилаётган муаллифлар шеърларидан ҳам янги таржималар ўрин олди.. Китобни ўқиб, қардош халқ орзу-армонларидан, қалбларида кечаётган инжа туйғулардан воқиф бўласиз. Образли қилиб айтганда бу аслида қалблар учрашуви, ўзига хос кўнгиллашув бўлади, деб ўйлаймиз.