Боботоғнинг оппоқ қорга кўмилган чўққилари, Сангардакнинг зилол шаршараси, Сурхон яйловларидаги бағри куюк лолақизғалдоқлар, бепоён кенгликларга уланган мовий осмон кимни шоир қилмайди дейсиз?! Васила Эрматованинг машқлари Ватан ошуфтаси бўлган ижодкор қалб туғёнларидан бунёд бўлган. Улар coxталикдан йироқ, самимий дил изҳорларидир. Бу назмий битиклар беғубор кўнгилларда хайрихоҳлик ва оҳангдош садолар уйғотиши аниқ. Шеърлар гулдастаси Сизга манзур бўлади, деб ишонамиз.