Кузги боғларда сокин сайр этсангиз пойингизга заъфарон рангли япроқлар тўкилади. Уни қўлга олиб, кўзгуга қарагандек ўтмишга, баҳорларга хаёлий саёҳат қилишингиз мумкин. Гоҳ қувончбахш, гоҳо дардчил хотиралар кўнглингизга турфа туйғуларни тақдим этади. Шундан гоҳо шиғил мевалар истеъмол қилган- дек энтикиб кетасиз. Анча йиллардан буён ўз шеърлари ва ҳикоялари билан жамоатчиликка танилиб улгурган ўзига хос ижодкор Моҳигул Ўктам қизи (Назарова) назмий машқларини ўқиганда шундай кўйга тушади киши. Зеро шоира шеърлари самимияти, инсоний кечинмаларининг сохталикдан йироқлиги билан кишини мафтун этади. Ушбу назмий битиклар гулдастаси Сизга манзур бўлади, деб ишонамиз.