Ушбу китобга Ғулом Мирзонинг кейинги йилларда ёзилган янги шеърлари ва олдинги шеърий тўпламларидан айрим намуналар жамланди. Шоирнинг шакл ва моҳият Уйғунлиги ғоятда кенг ранг-барангликда намоён бўлган шеърларида олам ва одам моҳияти, замон ва макон манзараларига доир қалб, онг ва руҳ хонишлари ташбеҳлару рамзлар, қиёслару нисбатлар, таъсирчан тимсолларда тараннум этилган. Муаллифнинг ушбу дил армуғони мухлисларга манзур бўлади, деган умиддамиз.