-Якуний қарорни ўқиб эшиттиришингиз мумкин- деди судя. Юрагим тез-тез ура бошлади. Ҳозир ҳукм ўқиб эшиттирилади. Бу ҳукм бутун ҳаётимни ўзгартириб юбориши мумкин. Танамдаги бор ҳужайралар билан хайрли оқибат сўраб дуо қила бошладим. Аёлим, укам, дўстим – ҳаммалари худди мен каби ҳолатда эканлари юзларидан билиниб турар, улар ҳам маслаҳат кенгаши аъзосининг оғзига қараб туришарди. Ҳайъат аъзоси қўлига бир варақ олди ва баланд овозда ўқий бошлади: -Марҳум Роксана хонимнинг ўлимида айбланаётган айбланувчи Майкл Брод иши юзасидан ҳукм! Айбланувчи Майкл Брод марҳум Роксананинг қасддан қилинган қотиллик натижасида вафот этишида айбдор деб топилсин ва унга нисбатан олий жазо — ўлим жазоси ижро этилсин! Шу онда эшитаётган сўзларимдан даҳшат ичида эдим. Ҳукмнинг мана шу жойига келганда қулоқларим бошқа ҳеч қандай сўзни эшитмай қолди. Ўша пайт қулоқларим гаранг бўлиб қолгандек эди гўё...