"Bo‘ston" to‘la she’rda bitilgan bo‘lib, kitobning yozilish sababidan tashqari "Mamlakatni idora qilish tadbiri", "Odillik hamda to‘g‘ri fikrlash haqida", "Ehson haqida", "Ishq haqida", "Kamtarlik haqida", "Rizolik haqida", "Qanoat haqida", "Tarbiyat haqida", "Shukr va omonlik haqida" hamda "Tavba haqida" o‘n bobdan tashkil topgan. Yozuvchi boblarda qo‘yilgan - tasvirlangan muammolarni nazariy, amaliy, hayotiy, ijtimoiy-siyosiy jihatdan dalillash maqsadida tarixiy, afsonaviy, asotiriy, diniy, axloqiy mavzularda hikoyatlar, masallar, mav’iza va tanbehlar keltiradi.