Бир иқтисодий тараккиёт тизимидан иккинчисига ўтиш даври кўп ҳолларда жамиятда мавжуд қадриятларни қайта баҳолаш ва баъзан унутиш билан кечади. Бу ҳолларда жамият сохта тараккиёт кўрсаткичлари, айниқса қиймат кўрсаткичларига (ялпи ички маҳсулот ҳажми, меҳнат унумдорлиги, инфляция даражаси каби) ўзининг ривожланиш индикатори деб карай бошлайди. Лекин кадриятлар бирмунча кенг ва улар нафақат макон сифати, балки эркинлик чегаралари, руҳий ҳиссиётлар сифати билан ҳам белгиланади. Бахт тушунчаси универсал қадрият бўлиб, унинг жабҳалари кенг. Айнан шу тушунчанинг аниқ қирраларига жамият миқёсида эришиш тараққиёт мақсади бўлиши керак.