hayotdagi muammolar haqida bir o'ylab ko'r: ko'nglingdagi beqadrlik hissi, o'zingga zarar keltiradigan munosabat- laringdan voz kecholmasliging, muvaffaqiyatsizliklaring, ayni xatolarga takror- takror yo'l qo'yishing, boshqalarga shafqat bilan muomala qilgan holda o'zingga shafqatsiz bo'lishing, ichingga o'rnashib olgan, hali ham bosilmagan jahling va hatto qizg'anchiqliklaring-u rashking... Хo'sh, ularni sen tanladingmi? Yoki, ehtimol, o'tmishda boshingdan o'tganlar bugun o'zingni shunday his qilishingga sabab boʻlayotgandir... Uzun gapning qisqasi, o'zingni ayblashni bas qil! Bu, holatni battar ogʻirlashtirishdan boshqasiga yaramaydi. Bu kitob vositasida sen bilan birga o'tmishingning qorong'i yo'laklariga qarab sayohatga chiqamiz. Ichida tug'ilgan oilangdan tortib boshdan kechirgan ruhiy jarohatlaringgachа boʻlgan hamma narsani, xullas, bugun mavjud boʻlgan muammolaringning barchasini yaxshilab oʻrganamiz. Shuningdek, bolalik chog'ingda olishing kerak bo'lgan mehr- muhabbat va ishonch tuyg'usini anglamaganingda nimalar yuz berganini, ota-onangning bilib bilmay qilgan nomaqbul xatti-harakatlari qanday illatlarni keltirib chiqarganini ko'rasan. Ba'zan ahamiyatsiz deb hisoblangan kichik bir jarohatning uzoq vaqt davomida katta zararlar keltirib chiqarishini anglagan sari yengil torta borasan. Ushbu kitob senga mo'jizalar va'da qilmaydi. Chunki sening o'zing mo'jizasan.