Farzand dunyoga kelishi ota-ona uchun eng buyuk baxt. Uning ilk qadamlarini tomosha qilish, birinchi aytgan so'zini tinglash qanchalik zavqli. Farzandining jajji yuziga mehr bilan termilgan ota-ona uning kelajakda komil va yetuk inson bo'lib ulg'ayishini niyat qiladi. Lekin bolaning tarbiyali va bilimli bo'lib ulg'ayishida niyatning o'zi kamlik qiladi. Bunda, albatta, ota-ona, taʼlim muassasalari va mahalla tomonidan beriladigan tarbiyaning o'rni beqiyos. Ko'pchilik ota-onalar farzandi tarbiyasiga befarqligi natijasida ayrim ko'ngilsiz voqealar yuz beradi. Bu noto'g'ri berilgan tarbiyaning oqibatidir. Xo'sh, farzand tarbiyasida ko'proq, nimalarga eʼtibor berish kerak? Ularning kelajakda komil insonlar bo'lib voyaga yetishlari uchun ota-onadan nimalar talab qilinadi? Qo'lingizdagi kitobda farzand tarbiyasi uchun eng zarur tavsiyalar o'rin olgan.