«Аlvido Buxoro» romani «Yonayotgan Buxoro» romanining davomidir. Romanda inqirozga yuz tutgan Xorazm davlatning tiklanishi haqida so'z boradi. Jaloliddin Xorazmshox otasining o'limidan so'ng qo'shinni qaytadan to'plab, mo'g'ul qo'shiniga zarba bera boshlaydi, qisqa fursatda davlatni qaytadan oyoqqa turg'izadi. Аfsuski, sarkarda Temur Malikka bu yo'lda mo'g'ullar emas, ko'proq irqchilik, birodarkushlik to'g'anoq bo'ladi. Musulmon davlatlar ham mushtarak g'anim qarshisida birlashish o'rniga, o'zaro adovatlashadi yoki bir-biriga yordam bermaydi. Xorazmshoxlar davlatini qaytadan tiklagan Jaloliddin Xorazmshox mo'g'ul qo'shinini mag'lubiyatga uchratadi, lekin mo'g'ullar uyushtirgan makkorona fitna tufayli Saljuqiylar davlati bilan jang qilishga majbur bo'lib, bu jangda mag'lubiyatga uchraydi. Oqibatda Xorazmshoxlar davlati butunlay qulaydi. Ikki qardosh, dindosh davlatni bir-biriga gijgijlab qo'yishga muvaffaq bo'lgan mo'g'ullar endi boshqa davlatlarni ham mag'lub eta boshlaydi...