“Hamza” - xuddi shu ismli yigitning ham kuldiradigan, ham o'yga toldiradigan hikoyasi. U hamma ozmi-ko'pmi biladigan ijtimoiy-siyosiy, tarixiy voqealarni “Fig'oni lug'otit turk” sarlavhasi ostida o'ziga hos til bilan, istehzoli ohangda hikoya qilib beradi. Uning o'zligini anglashga, jamiyatdagi muammolarni tushunishga urinishi : siz aziz o'quvchilarni befarq qoldirmaydi degan umiddamiz. Yillab urinishdan keyin universitet talabasiga aylangan Hamza nega o'qish imkoniyatidan voz kechdi? U hayotda o'z o'rnini topa oladimi?.. Keling, kitobni mutolaa qilish orqali ana shu savollarning javobini bilib olamiz.