Buyuk yozuvchi Stefan Sveyg ushbu romanida o'tgan asrning yigirmanchi yillarida Avstriyadagi ijtimoiy hayot, Birinchi jahon urushidan keyingi qiyinchiliklar bosh qahramon - Kristina hayoti misolida tasvirlaydi. Yosh, navqiron, ammo kambag'al Kristina yoshlik zavqini ham totmagan. Chunki boʻlib o'tgan urush butun bir avlodning yoshligini, quvonch-u shodligini oʻgʻirlagandi. Adib asarda quyi qatlam odamlarining to'laqonli hayot kechirish uchun qanchalar mashaqqatga duch kelishini, pulsizlik tufayli oʻzlarini kamsitilgandek his qilib, bundan chuqur tushkunlikka, hatto depressiyaga tushib qolishlarini koʻrsatadi. Shunday qiyin vaziyatda kun kechirayotgan Kristinaning hayotida nogoh oʻzi kabi nochor Ferdinand ismli yigit paydo boʻladi. Dunyoqarashi, fikrlashlari oʻzaro o'xshash bu ikki yosh o'rtasida yovuzlikka qarshi isyon ko'targandek kurtak ochgan boqiy tuyg'u - muhabbat ularni baxtga emas, aksincha, yanada ulkan sinovlarga duchor qiladi. Ammo sevgining cheksiz qudrati, insonlar bu yoʻlda har qanday ogʻir sinovlarga ham tayyor boʻlishi asarda oʻzgacha, Sveygga xos mahorat bilan tasvirlangan.