Ushbu kitob, muallif taʼkidlaganidek, Gollivudning navbatdagi blokbasteri yoxud trilleri emas. Bu yigirma besh yil davomida Аmerika Qoʼshma Shtatlari Federal qidiruv byurosi maxsus agenti Jon Duglasning oʼzi guvoh boʼlgan eng ogʼir jinoyatlar: vahshiy ketma-ket qotilliklar, oʼgʼirlash va bolalarni jinsiy ekspluatatsiya qilish orqali sodir etilgan qotilliklar bilan bogʼlik mingdan ortiq tergov ishlari yoritilgan kitobdir. Unda muallif oʼzi ishlagan Tergovga koʼmaklashish boʼlimining jinoyat joyidan olingan fotosuratlar asosida oʼzlari ishlab chiqqan usul qotilning shaxsiyatini tahlil qilish orqali jinoyatchini fosh etish yoʼllarini mufassal bayon etarkan, mutaxassislarning nafaqat jinoyatchi turini aniq koʼrsatibgina qolmay, uning jinoyat sodir etilgandan keyingi xatti-harakatlarini ham tasvirlab berish tajribalari bilan oʼrtoqlashadi. Eng muhimi, muallif, yuqorida qayd etilgan jinoyatlarning oldini olish haqida soʼz yuritar ekan, zoʼravonlik jinoyatlari sonini kamaytiruvchi yagona qurol - jinoyatchilar yetishtirishni toʼxtatish ekani, bu boradagi haqiqiy kurash oiladan, farzandlarni toʼgʼri tarbiyalashdan boshlanishi kerakligini bot-bot takrorlaydi. Farzand tarbiyasi yoʼlidagi ushbu qurolga har zamon ehtiyojimiz bor ekan, demak, bu qurolni ishlatish yoʼl-yoʼrigʼi jamlangan mazkur kitobni farzand ulgʼaytirayotganlarning barchasiga ilindik.