Maxsus xizmatlarning eng murakkab yoʻnalishlaridan biri boʻlgan harbiy razvedka! Bu sohada ignaning teshigidan o'tadigan mohir va uddaburron, tog' va daryolardan oshib-hatlaydigan jasur, matonatli oʻgʻlonlar xizmat qiladi. Ular o'ta xatarli vaziyatlarda ham o'zlarini tuta biladigan, muhim qarorlarni tezkor qabul qilish ko'nikmasiga ega, jismonan baquvvat, doim jangovar shay, bilim va salohiyatli boʻlishi kerak. Aks holda, ya'ni bunday sifatlarga ega boʻlmasa, davlat manfaatlariga xizmat qiladigan o'ta muhim va maxfiy topshiriqlarning uddasidan chiqolmaydi. Asarda sobiq ittifoq parchalanib ketganidan so'ng Rossiya Federatsiyasi tashqi razvedka xizmati tomonidan Afg'onistonda o'tkazilgan ana shunday - mohiyati faqat razvedkachilar guruhi rahbarigagina maʼlum-u, qolganlardan mutlaqo maxfiy tutilgan juda muhim jangovar operatsiya, bu jarayonda bosib o'tilgan yo'l mashaqqatlari, qator toʻqnashuvlar tafsilotlari, voqealar rivoji bilan bogʻliq yaqin tarixdagi xatolar, xotiralar, insonlar taqdiri va AQSH maxsus xizmatlari bilan xufiyona raqobat haqida hikoya qilinadi.