Bugun insoniyat turli texnologiyalar va internetsiz hayotni tasavvur ham qila olmaydigan darajaga keldi. Yuqori darajada rivojlangan texnologiyalar zamonida tug'ilgan bolalarga ularni butunlay taqiqlash orqali ko'zlangan maqsadga erisholmaymiz. Xo'sh, internet va zamonaviy texnologiyalardan samarali foydalanishda nimalarga e'tibor qaratish kerak? Qanday yo'l tutilsa, internet bilim manbayi bo'lib xizmat qiladi? Farzandimizga qaysi yoshda qanday texnologiya vositalarini qo'llashga ruxsat berishimiz kerak? Bolalarning bunday qurilmalardan to'g'ri foydalanishini nazorat qilish uchun virtual dunyo ota-onalari qanday ma'lumotlarga ega bo'lishlari zarur? Ana shunday dolzarb va hayotiy savollarga javob topishni istasangiz, mazkur "Virtual dunyoda ota-onalik mashaqqati" kitobini mutolaa qiling. Zero, farzandlar bizning kelajagimiz, hayotimiz davomchilaridir. Dilbandlarimiz bilan virtual emas, mehr-la bog'lanishni istar ekanmiz, ushbu mavzuga befarq bo'lmasligimiz lozim.