“Qatlnoma” asari orqali kitobxonlar qalbidan joy olgan yozuvchi va publitsist Nabijon Boqiyning mazkur asari XX asr jamoatchiligida turli qarashlar uygʻotgan, fidokor jadidlar harakati namoyandalari safida oʻz oʻrniga ega boʻlgan shaxs – Hamza Hakimzoda Niyoziy hayotini qamrab olgan salmoqli hujjatli roman hisoblanadi. Hamzaning 1889-yildan 1929-yilgacha davom etgan 40 yillik hayotidan hikoya qiladi. Tarjimai holidan tortib, ijodiy faoliyati, siyosiy qarashlari va yillar davomida koʻp sonli kitobxonlarni katta soʻroqqa roʻbaroʻ qilgan qatl sabablari – barchasi mazkur “Qizil toshboʻron” ostida yashiringan.