“Alibaba: Jek Ma bunyod etgan maskan» — oddiy ingliz tili oʼqituvchisi qanday qilib dunyodagi eng qimmat kompaniyalardan birini yaratgani va jahon iqtisodiyotini oʼzgartirib yuborgani haqida hikoya qiladi. Kitobda “Alibaba” kompaniyasining dunyoga kelishi va misli koʼrilmagan muvaffaqiyatga erishishida nafaqat Jek Madagi ishtiyoq, qatʼiyat, tap tortmaslik, xarizma, kirishimlilik va boshqa xislatlar, balki oʼsha davrda shakllangan qulay muhit, raqiblarning jiddiy xatolari, Xitoyning oʼziga xos siyosati kabi boshqa omillar ham muhim rol oʼynagani yoritilgan. Shuningdek, Jek Maning muvaffaqiyatga erishish qoidalari va ularning tatbiqi ham tasvirlangan. Kitobni oʼqir ekansiz, “Alibaba” kompaniyasining oyoqqa turishi bilan bir qatorda, Xitoy iqtisodiyotining rivojlanish jarayoni, inqilobiy islohotlar, xitoy tadbirkorlari va xalqining bozor iqtisodiyoti uchun kechgan ogʼir hamda matonatli kurashiga ham guvoh boʼlasiz.