«Marti Iden» romanini muallifning oʻziga xos avtobiografik asari deyish mumkin. Chunki Jek Londonning oʻzi ham asar qahramoni kabi qashshoq oiladan chiqqan va oʻzining sa'y-harakatlari hamda irodasi bilan adabiyot olamida dovrug' qozongan. Inson va jamiyat, jamiyatdagi keskin sinfiy tabaqalanish, uning inson hayotidagi falsafiy-ijtimoiy ahamiyati bundan yuz yillar avval qanchalar dolzarb boʻlgan boʻlsa, ayni damda ham shunday dolzarb sanaladi. Boy xonadon qizini sevib qolgach, sof muhabbat tufayli ro'yodek tuyilgan orzuga intilgan Martin o'sha orzusiga erishganda, uning sarob ekanini anglab yetadi. Bu orzuni u emas, sevgan qizi Ruf emas, balki jamiyat va uning shafqatsiz qonunlari sarobga aylantiradi. Martin tushungan narsani Ruf hech qachon anglab yetolmaganidek, qiz ardoqlagan qadriyatlar ham Martin uchun hamisha begona boʻlib qolaveradi. Asar mutolaasidan soʻng kitobxon har qanday jamiyat va tuzumda chin inson boʻlish, buni anglay olish eng yuksak va oliy qadriyat ekanini his qiladi.