Hayotda ko‘p bor nohaqlikka duchor bo‘lamiz. Ammo “O'ldiradi”, – deb o‘ylagan dardlarimizning hech birida yengilmaymiz... Har bir insonning o‘z hikoyasi bor. Ba’zilar azoblarini tilga chiqara olmaydi. Dardini qog‘ozga to‘kadi. Kimdir faqatgina sukut saqlaydi, ichiga yutganlari tosh bo‘lib toshadi... Ammo bir og‘iz ham so‘z ayta olmaydi. Hayot ba’zilarga sevishi mumkin bo‘lgan necha qalblarni taqdim etadi, ba’zilar esa seva olmaydi. Mening ham tilga chiqara olmagan dardlarim bor, albatta. Izohlay, desam til ojiz... Zero, ba’zi dardlarni so‘z bilan ifodalab bo‘lmaydi. Ifodalashga urinsa ham so‘z yetmaydi. Tilidan: “Seni sevaman”, – degan so‘zlarni kanda qilmaydigan insonlarning hammasi ham chindan seva olmaydi. Ishq his ettirish demakdir, mehnat demakdir, buni hech kim bilmaydi. Til: “Sevaman”, – desa ham har bir yurak sevishga qodir emas. Oshiq “Sevaman", der ekan, suyuklisining tuz to'la qahvasini simiradi...