Jahon adabiyotining zabardast fantast yozuvchisi Aleksandr Belyayevning «Professor Douelning boshi» asari tarjima qilindi.  Professor Douel juda iste'dodli olim edi. Uning tibbiyot rivoji yoʻlidagi ixtirolarini ta'riflashga soʻz ojiz. U shu qadar ilm-fan tubiga shoʻngʻigan ediki, hatto butun vujudini unutayozgan, faqat miyasigina uning mavjud ekanini anglatib turardi. Ammo bir kuni koʻzlarini ochdi-yu, boshi ostida vujudini emas, oddiygina stolning sovuqqina to'rt oyogʻini koʻrdi... Professor insoniyatni o'limdan saqlab qolish, hech boʻmaganda, miyasini qayta jonlantirish ustida izlanayotgandi, ammo ilk tajriba quyonchasi oʻz boshi boʻlishini xayoliga ham keltirmagandi. Mutolaa davomida yozuvchining insoniyatni ogʻir vaziyatlarda tirik qolish imkoniyatlarini axtarish, ilm-fanda misli koʻrilmagan yangiliklarga qo'l urishga chaqirgani behuda emasligini, insoniy fazilatlar kishi muvaffaqiyati yoxud tanazzulida naqadar muhim rol o'ynashini anglaymiz.