Ivan Krilov nafaqat rus adabiyotida, balki jahon adabiyotida masalchilikning zabardast vakili sifatida e'tirof etiladi. Maktab darsliklaridanoq o'quvchilarga yaxshi tanish bo'lgan "Bo'ri bolan qo'zichoq", " Tulki va Bo'ri", "Tulki va uzum", "Oqqush, Cho'rtanbaliq va Qisqichbaqa" kabi mashhur masallari yillar o'tsa-da, o'z qiymatini yo'qotmay, tildan tilga ko'chib kelmoqda. Krilovmasallarida qahramonlar, asosan, hayvonlar, qushlar va o'rmon jonivorlaridir. Jonzodlar o'rtasidagi holatlarni qalamga olar ekan, ularni oynaga solib, aksida insonlarda uchraydigan qusur va kamchiliklar, jamiyatda uchraydigan nohaqliklarni ko'rsatadi. Krilovda nima uchun asosan masal janrida ijod qilishi sababini so'rashganda, u «Bu janr hamma uchun tushunarli: uni dehqonlar ham, bolalar ham o'qiydi...» deb javob bergan ekan. Xuddi ana shu ommaboplik xususiyati muallifi rang-barang g'oyalarni ham kulgili, ham satirik holatlarni o'ziga xos yo'sinda ifodalashga undaydi.