Navoiy poetik ijodining yuksak cho‘qqisini, shubhasiz, uning «Xamsa»ga kirgan dostonlari tashkil etadi. «Xamsa» dostonlarining vujudga kelishi o‘zbek adabiyoti tarixida eng katta va eng ulug‘ voqeadir. «Xamsa» orqali Navoiy o‘zbek xalqining epik dahosini yozma adabiyotda birinchi bo‘lib keng va to‘la namoyish qildi. «Xamsa» tufayli o‘zbek adabiyoti jahon adabiyotida eng yuqori o‘rinlardan birini egalladi. Uning muallifi esa buyuk dostonchilar Gomer, Firdavsiy, Dante, Nizomiy darajasiga ko‘tarildi