Amerikalik millioner, sportchi hamda ijtimoiy faoliyati kechki gazetalarning mashhurlar ruknida doimiy o'rin egallaydigan Don Miklem bir oy davomida Italiyadagi saroyida bo'lish uchun jo'nab ketishi kerak edi. U yerda taniqli shaxslar, amaldorlar u bilan uchrashib, suhbatini olishga mushtoq kutishayotgandi. Taassufki, samolyotga chiqishga bir bahya qolganida uning rejalarini ostin-ustin qilib, safarini dahshatli tushga aylantirib yuboradigan hodisa yuz berdi. ...Aytishlaricha, Don Miklemning urushdagi quroldoshi Jon Tregart Vatan xoini, ammo u dom-daraksiz g'oyib bo'lgan. Qiziq, Jon Tregartdek vatani uchun qon kechib, dushmanni yer tishlatgan qahramon xoin bo'lishi mumkinmi? Ha, bu jumboqli savol. Shu boisdan Miklem dabdabali ziyofatlarni emas, sarguzashtlarga boy mashaqqatli sayohatni tanladi. U bu jumboqning tagiga yetarmikan? Sog'-salomat mamlakatga qayta olarmikan?.. Mazkur savollarning javobini kitob mutolaasi davomida bilib olasiz.