Гарчи аёвсиз ўлим севимли шоиримиз, оташнафас сўз санъаткори Эркин Воҳидовни орамиздан олиб кетган бўлса-да, унинг ўлмас ва муҳташам ижоди тиллардан тилларга, диллардан дилларга кўчиб, барҳаёт яшамоқда. Умр бўйи она халқини, она тилини, она заминини баланд пардаларда куйлаб ўтган шоир, то мана шу эл, тил, замин бор экан, ҳеч қачон унутилмайди. Ушбу умр китоби ҳам шоирини соғинган эл учун ғойибона дийдор бўлса, ажаб эмас.