Hamma zamonlarda adabiyot va adib millat taraqqiyotining ustuni hisoblanadi. Davr yozuvchilarini o‘quvchilarga tanitish, asarlarini yetkazib berish esa nashriyotlarning eng muhim vazifasi, desak mubolag‘a bo‘lmaydi. Yosh yozuvchi – Sherzod Ortiqovning mazkur kitobini nashr etish orqali adabiyotimizga yana bir yangi nom kirib kelayotganini e’lon qilmoqchimiz. Ta’kidlash joizki, Sherzod Ortiqov hikoyalari ilk bor kitob shaklida chop etilayotgan bo‘lsa-da, ammo shu davrgacha qator xorijiy davlatlar adabiy nashrlarida dunyo yuzini ko‘rgan. Mutolaa va tahlil qiling hamda baho bering. Maqsadimiz - adabiyot orqali, kitoblar orqali millat bolalarining intellektual salohiyati yuksalishiga xizmat qilish ekan, demak kitob mutolaasidan keyin fikrlaringizni kutamiz. Bu biz uchun juda muhim!