Shifokorda bilim va tajriba uyg'u bo'lsagina muvaffaqiyatga erisha oladi. Mixail Bulgakovning «Yosh vrach kundaligi» asarini mutolaa qilar ekansiz, shifokorda ana shu ikki omil bilan birga qat'iyat, jasorat va o'z vaqtida to'g'ri qaror qabul qila olish ko'nikmasining shakllanishi birlamchi ahamiyat kasb etishiga amin bo'lasiz. Asarda XX asr boshida rus jamiyatidagi oddiy odamlar qiyofasi butun bo'y-basti bilan namoyon bo'ladi: sodda, ishonuvchan, samimiy. Shuningdek, kamchiliklar ham ro'y-rost qalamga olingan. Ko'prik ostida ko'zi yorigan ayolni shifokor: «Farzandingni dunyoga keltirish uchun shu yerdan boshqa joy topa olmadingmi?» deb koyiganida, ayol: «Dard tutib turganida qaynotam ot-arava bermadi, vrachlik punkti unchalik uzoq emas, piyoda yetib ol», deb aytdi, deya javob beradi. Bu turmush tarzining yigirmanchi asrga xos ko'rinishlaridan biri edi. Muxtasar aytganda, fan-texnika va axborot texnologiyalari taraqqiyoti virtual va ayni damda soxtakor munosabatlarni avj oldirgan bugungi kunda samimiy munosabatlarga qurilgan ushbu asarni o'qish kishiga o'zgacha maroq va kayfiyat beradi