Shahar bilan xuddi suyukli insoniingiz kabi munosabat o‘rnatasiz. Gohida undan azizrog‘i topilmaydi, goh esa uni ko‘rarga ko‘zingiz yo‘q. Ammo ne bo‘lganda ham yuzadagi beqaror to‘lqinda emas, chuqurlikdan joy olgan bir narsa bor. Uning nomi - muhabbat! Hayotning bebaholigi, nurning tuganmas va abadiyligi, o‘tayotgan har lahzaning qadrli ekani - inson tafakkurini hamisha idrok etishga chorlab keladi. Bu dunyoda baxtning ham, baxtsizlikning ham shifosi bor. Kim umrini qanday va qanaqa yo‘sinda yashab o‘tishi -  faqat o‘ziga bog‘liq. Ushbu asar bizni hayotga teranroq qarashga, yorug‘likka intilish bilan orzularimizni ro‘yobga chiqarish hamda vaqtni isrof qilmaslikka da’vat etadi. Buning uchun sevishga shoshilmog‘imiz, nafas olishimizda esa muhabbat bo‘lmog‘i lozim.