Taniqli turk yozuvchisi Halis Karabenli bugungi o‘zbek kitobxonlariga hozircha "Baʼzilar olisdan sevarlar" asari orqaligina tanish. Qo‘lingizdagi "Zamonga yengilma" kitobi ham muallifning o‘tkir qalami ila bitilgan bo‘lib, asarda inson qalbining turli evrilishlari yorqin bo‘yoqlar va nozik did bilan tasvirlangan. Halis Karabenlining qahramonlari, garchi turli feʼl-atvorli kishilar bo‘lsa-da, erkka intiladilar, o‘z burch va majburiyatlarini har xil sharoitlarda sinab ko‘radilar, hayot mashaqqatlarida toblanadilar. Yozuvchi mazkur asarida inson eng og‘ir sharoitlarda ham ojiz emasligini isbotlaydi. Barchasi insonning ruhiyati, maʼnaviy dunyosi hamda irodasiga bog‘liq ekanini ko‘rsatmoqchi bo‘ladi. Asar keng kitobxonlar auditoriyasiga mo‘ljallangan.