Oilalarning ajrashib ketishidan kim koʼproq aziyat chekadi? Аvvalo, ajrimga kelgan er va xotinning oʼzi! Ota boshqa ayolga uylanar, ona erga tegar, oʼrtadagi farzandchi?! Uning ruhiy azoblariga kim malham qoʼyadi, oʼgay otami yoki oʼgay ona? Bogʼchada, maktabda, ishda otang kim deb soʼrashsa, mitti yuragi necha boʼlakka boʼlinib ketishini onasi, otasi bilarmikin? Otasi yoʼqligini, onasi yoʼqligini oʼrtoqlariga qanday tushuntirsin? Bu savollar kattalarni qancha azobga qoʼysa, ajrimdagi bolalarni bundan ming chandon ogʼir azoblarga soladi. Shu sabab ruhiyatida, jismida salbiy oʼzgarishlar sodir boʼladi. Psixolog ajrimdagi bolalarning feʼl-atvoridagi oʼzgarishlarni tahlil qiladi va kerakli oʼrinlarda oʼz maslahatlarini beradi. Fikrlarini hayotdan olingan voqealar bilan boyitadi. Muallifning maqsadi bitta – er-xotin ajrashmasin, birgalikda farzandlari kamolini koʼrsin.