Vaqt manzili... Qayerda u? Insoniyatning ibtidosidan hozirgacha bo‘lgan vaqt manzaralarida evrilib borayotgan ruhi nimadan umidvor? Ming to‘qqiz yuz o‘ttiz yettinchi... Vaqt ochko‘zmidi? Odammi? Millat vaqtning suratlariga qarab qachon o‘zini taniydi? Turg‘unlik bolalari... Bola vaqtning tirik bir parchasimi? Paganinining so‘nggi konserti... Vaqt qalb ichidagi musiqadami yoki qalb vaqt musiqasi ichidami? Vaqt muhabbat ovozida gapiradimi? G‘oyibdan do‘st bilan suhbatlar... Vaqtning qog‘ozdagi izlarimi? O‘tgan asrning 80-yillarida sheʼriyatimizga kirib kelgan betakror avlodning yorqin vakillaridan biri Aziz Saidning ushub kitobiga vaqtning botiniy va zohiriy manzaralarida ramzu suratlar ila aks etgan yuqoridagi savollarga yuragingizdan javob izlaysiz.