Dinozavrlar koʻp million yillar avval yashagan. Biroq hozirgi kunga qadar ulkan va noyob sudralib yuruvchilar nafaqat bolalarni, balki kattalarni ham o'ziga sehrlab kelmoqda. Bahaybat jonivorlar filmlar, multfilmlar qahramoniga aylanishgan, oʻzlarining yumshoq o'yinchoqlar koʻrinishida yangi hayotlarini boshlashgan. Dinozavrlar chindan ham mavjud boʻlganligini hamma yaxshi biladi. Lekin brontozavrning boʻyi necha metr ekanligini yoki tirannozavrning qanday kuchga ega bo'lganligini hamma ham biladimi? Salobatli, kuchli, oʻz yo‘lida uchragan hamma narsani yakson qilib ketaveradigan ulkan yirtqichlar shafqatsiz vahshiylar boʻlganiga koʻpchilikning ishonchi komil. Biroq aslida unday emas. Dinozavrlar orasida faqat o'simliklar bilan oziqlangan beozorlari ham uchraydi. Eng qadimiy dinozavrning suyaklari qayerda topilganini, afsonaviy hayvonlarning nomi qanday tarjima qilinishini bilish hammaga ham qiziq bo'lishi shubhasiz.