Hayotning asrlar sinovidan o‘tgan boqiy haqiqati shuki, hech qachon, hech bir hudud osmonidan tekin chalpak yog‘maydi... Mazkur to‘plamdagi qissalarda musofirlikning achchiq zahmatlarini tortgan elatdoshlarimizning hayoti qalamga olingan. Ular o‘zga ellarda aldov, xiyonat, razolat, buzuqlik, e’tiqodsizlik, zalolatning ming bir tusda tovlanishlariga ro‘baro‘ keladilar. Hatto beg‘ubor ko‘ngilda ko‘z ochgan ilohiy muhabbat chechagi ham vahshiylarcha toptab-yanchiladi... Kitob siz, aziz o‘quvchilarga ma’qul keladi, degan umiddamiz.