Qadrdon kitobxon! Mana, bugun braziliyalik "afsungar" yozuvchi Paulo Koeloning hikmatga toʻla, tubmaʼnoga ega yana bir asari qoʻlingizga yetib bordi. «Ixlos yoxud Beshinchi togʻ»ning aksar qismi (asosiy qismi, desak ham boʻlaveradi) qaygʻu, yoʻqotishlar, umidsizliklar, ammo shu bilan birga, umr deb atalmish yoʻlda uzoq davom etadigan mashaqqat ila qoʻlga kiritilajak hayotning maʼno-mazmuni, inson oʻz oʻzanini topishi haqidadir. Balki siz muallifning boshqa kitoblarini koʻp marotaba mutolaa qilgandirsiz, balki kitobga asos boʻlgan rivoyatlardan ham xabardor boʻlib chiqarsiz, lekin shunisi aniqki, asarda tasvirlangan azob uqubatlarga qaramay, muallifning koʻngilni tinchlantiruvchi, dil yarasiga malham berguvchi roman yoza olganiga qoyil qolmay ilojingiz yoʻq. Gapning indallosini aytganda, koʻhna Akbar shaxri, tilsimli Beshinchi togʻ, qaddi bukilmas Finikiya, alalxusus, inson qudratiga, kelajakka ishonch tuyg'usi ila kitob bitgan Paulo Koelo olamiga Marhabo!