Yozuvchi xalqi ko'nglidagini oshig'ich izhor etish ehtiyoji tug'ilganda tezqadam publitsistikaga murojaat kiladi. Mazkur to'plamga Erkin Аʼzamning keyingi chorak asr davomida matbuotda bosilgan “tarhi toza” publitsistik asarlari jamlandi. Kitobga tartib berish asnosida jild-jild bitiklar orasidan ohorini yo'qotmaganlarigina saralab olindi. Jonsarak muallif olamni, odamni to'kis ko'rish istagida kuyinib-koyinib qalam tebratadi, o'quvchini fikr mudroqligidan fikr uyg'oqligiga daʼvat etadi. Latif yumor, beozor kinoya, sanjob ifoda va teran mushohada ustunligidagi maqolayu fiqra, suhbatu gurunglar badiiy asar kabi maroq bilan o'qilsa ajab emas.