Elimizning atoqli va ardoqli ijodkori, O'zbekiston xalq yozuvchisi Asqad Muxtor XX asr o'zbek adabiyoti rivojiga salmoqli hissa qo'shgan adiblardan biri hisoblanadi. Uning she'r, hikoya, qissa va romanlari teshа tegmagan voqealarga va xarakterlarga boyligi bilan hamishа o'quvchini hayajonga solgan. Adibning asarlarida odob-axloq, ma'naviy olam, milliy qadriyatlar, sho'ro davri adolatsizliklari dadil yoritiladi. "Hikoyalar xazinasi" rukni ostida nashr etilgan ushbu "Chodirxayol" to'plamiga uning turli mavzulardagi hikoyalari jamlangan boʻlib, kitobxonlar tomonidan katta qiziqish bilan qabul qilinadi, degan umiddamiz. Taqdim etilayotgan hikoyalarda o'shа davr ruhini saqlab qolish maqsadida shаharlar va ayrim atamalar nomi asliyatga asosan qoldirildi. Mazkur hikoyalar to'plami barchа yoshdagi kitobxonlarga mo'ljallangan boʻlib, kitob javoningizni yana bir sermazmun kitob bilan boyitadi.